De jongensromaan Ben mei Anna so hal liis (tjiisk: Ben liebt Anna) faan 1979 hiart tu Peter Härtling (1933-2017) sin bekäändst staken,diar hi skrewen hee. Det buk as muarsis ütjteekent wurden. At gungt am de njüügenjuarig Benjamin Körbel - algemian Ben neemd - an det foomen Anna Mitschek, diar een guden dai uun skuul apdaaget. Anna as mä sin aalern faan Poolen efter Tjiisklun ütjraiset. Anna as so gans ölers üüs dön foomnen an dringer uun sin klas an gungt Ben ei muar ütj hood. Ben onernamt ales, am Anna naier tu kemen an bal ferbring dön tau föl tidj mäenöler. Man dön lokelkdaar mä Anna san ei faan düür. Bal feit Ben tu hiaren, dat Anna mä sin aalern wechtjocht. Diar blaft dön bialen man en kurt tidj, faan enöler ufskias tu nemen.